انڈر19ایشیا کپ:سمیر منہاس،احمد حسین کی شاندار سنچری،پاکستان کی297رنز سے فتح

دبئی(جانو ڈاٹ پی کے)انڈر19ایشیا کپ:سمیر منہاس،احمد حسین کی شاندار سنچری،پاکستان نے 297رنز سے فتح سمیٹ لی۔میر منہاس نے177رنز کی ناقابل شکست اننگز کھیلی جس میں8چھکےاور11چوکے شامل تھے.انڈر 19 ایشیا کپ میں پاکستان نے ملائیشیا کو 297 رنز سے شکست دے کر فاتحانہ آغاز کردیا۔دبئی میں کھیلے گروپ اے کے میچ میں ملائیشین ٹیم 346 رنز کے ہدف کے تعاقب میں صرف 48 رنز پر ڈھیر ہوگئی۔ملائیشیا کا کوئی بھی کھلاڑی ڈبل فیگرز میں داخل نہ ہوسکا۔ کپتان ڈیاز پیٹرو اور محمد اکرم 9،9 رنز بناکر ٹاپ اسکورر رہے۔پاکستان کی جانب سے علی رضا اور محمد صیام نے 3،3، دانیال علی خان نے 2 اور نقاب شفیق نے ایک وکٹ حاصل کی۔اس سے قبل ملائیشیا نے ٹاس جیت کر پاکستان کو پہلے بیٹنگ کرنے کی دعوت دی تھی تو2وکٹیں جلد گرنے کے بعد سمیر منہاس اور احمد حسین نے تیسری وکٹ پر293رنز کی پارٹنرشپ قائم کی تھی۔پاکستان نے مقررہ50اوورز میں3وکٹوں کے نقصان پر345رنز بنائے تھے۔سمیر منہاس نے177رنز کی ناقابل شکست اننگز کھیلی تھی جس میں8چھکےاور11چوکے شامل تھے۔کپتان فرحان یوسف8رنز بناکر ناٹ آؤٹ رہے تھے۔احمد حسین 132 رنز کی شاندار اننگز کھیل کر آؤٹ ہوئے تھے جبکہ عثمان خان ایک اور علی حسن بلوچ 14 رنز بناکر آؤٹ ہوئے تھے۔پاکستان ٹیم ایونٹ میں اپنا اگلا میچ 14 دسمبر کو روایتی حریف بھارت کے خلاف کھیلے گی۔