یوکرین پر رات گئے روسی حملوں میں 2 بچوں سمیت 6 افراد ہلاک

یوکرین (جانوڈاٹ پی کے)یوکرین پر روس کی جانب سے مختلف علاقوں میں رات گئے ڈرونز اور میزائلوں سے حملے کیے گئے۔

یوکرینی حکام کے مطابق روسی حملوں میں 2 بچوں سمیت 6 افراد ہلاک ہوئے۔

یوکرین کے پراسیکیوٹر جنرل کے آفس کی جانب سے ٹیلیگرام پر جاری ایک بیان میں بتایا گیا کہ روس کی جانب سے اودیسا اور دنیپرو کے خطوں پر حملے کیے گئے جن میں 2 بچوں سمیت 6 افراد ہلاک ہوئے۔

یوکرین کے شہر زاپوریزہیا پر روسی حملے سے تقریباً 58 ہزار گھروں کی بجلی معطل ہوگئی۔

وہاں کے گورنر کے مطابق اس شہر میں حملوں سے 2 افراد زخمی ہوئے اور کچھ عمارات ملبے کا ڈھیر بن گئیں۔

دوسری جانب روسی آئل پورٹ پر یوکرینی ڈرون حملے سے 2 غیر ملکی جہازوں کو نقصان پہنچا۔

روسی حکام کے مطابق بحیرہ اسود میں روس کی بندرگاہ پررات گئے یوکرین نے ڈرون حملہ کیا۔

حکام نے بتایا کہ ڈرون حملوں میں کوئی جانی نقصان نہیں ہوا جبکہ حملے کے بعد لگنے والی آگ پر قابو پا لیا گیا۔