پاکستان نے یو اے ای کو 70 رنز سے شکست دے کر انڈر19 ایشیا کپ کے سیمی فائنل کیلئے کوالیفائی کر لیا
دبئی(جانوڈاٹ پی کے)پاکستان نے متحدہ عرب امارات کو 70 رنز سے شکست دے کر انڈر19 ایشیا کپ کرکٹ کے سیمی فائنل کیلئے کوالیفائی کرلیا۔
دبئی میں کھیلے گئے گروپ کے اپنے آخری میچ میں پاکستان نے متحدہ عرب امارات کے خلاف پہلے بیٹنگ کرتے ہوئے 9 وکٹ پر 241رنز بنائے۔
احمد حسین نے65 اور سمیر منہاس نے 44رنز کی نمایاں اننگز کھیلیں، حمزہ ظہور نے بھی 42 رنز اسکور کیے۔
یوا ے ای کے بولر یوگ شرما نے 3 اور نسیم خان نے 2 کھلاڑیوں کو آؤٹ کیا۔
ہدف کے تعاقب میں یو اے ای کی ٹیم 38ویں اوور میں 171رنز بناکر آؤٹ ہوگئی۔ ایان مصباح نے 77رنز بنائے جبکہ پرتھوی مدھو نے 27رنز کی اننگز کھیلی۔
پاکستان کے عبدالسبحان نے شاندار بولنگ کرتے ہوئے 4 کھلاڑیوں کو آؤٹ کیا۔
اس فتح کے نتیجے میں پاکستان نے ایونٹ کے سیمی فائنل کیلئے کوالیفائی کرلیا۔
