ایران میں مظاہرین پر تشدد جاری رکھنے کی صورت میں سخت ردعمل ہوگا:ٹرمپ

واشنگٹن(جانوڈاٹ پی کے)امریکی صدر ڈونلڈ ٹرمپ نے کہا ہے کہ انہیں بتایا گیا ہے کہ ایران میں قتل عام بند ہوگیا۔

وائٹ ہاؤس میں میڈیا سے گفتگو کرتے ہوئے امریکی صدر نے کہا کہ انہیں بتایاگیا کہ ایران میں پھانسیوں کا کوئی منصوبہ نہیں اور ایران میں قتل عام بھی بند ہوگیا ہے۔

امریکی صدر نے میڈیا سے گفتگو کے دوران ایک بار  پھر  ایران کو خبر دار کیا کہ مظاہرین کے خلاف تشدد جاری رکھنے کی صورت میں سخت ردعمل دیا جائے گا۔

وینزویلا کے حوالے سے بات کرتے ہوئے امریکی صدر کا کہنا تھا کہ  وینزویلا میں راز افشاکرنے والے شخص کو گرفتارکرلیاگیاہے۔ پینٹاگون کاکنٹریکٹر وینزویلا آپریشن سے متعلق خفیہ معلومات لیک کرنے  پر گرفتار کیا گیا۔

ٹرمپ نے کہا کہ ہمیں گرین لینڈ کی ضرورت ہے، گرینڈ لینڈ سے متعلق دیکھتے ہیں آگے کیا ہوتا ہے۔

صدرٹرمپ نے کہا کہ انہوں نے  دنیا میں تجارت کے ذریعے 8 جنگیں رکوائیں۔