ٹرمپ کے داماد کے بارے میں عجیب افواہ اور غریدہ فاروقی کا لباس ٹاک آف دی ٹاؤن
اسلام آباد(خصوصی رپورٹ/جانو ڈاٹ پی کے)اسلام آباد میں امریکااور ایران کے درمیان ہونے والے تاریخی مذاکرات کے بعد سابق امریکی صدر ڈونلڈ ٹرمپ کے داماد جیرڈ کشنر اور سٹیو وٹ کاف کے حوالے سے پھیلی افواہیں دم توڑ گئی ہیں۔ باوثوق ذرائع نے تصدیق کی ہے کہ جیرڈ کشنر سمیت تمام غیر ملکی وفود بخیر و عافیت اسلام آباد سے روانہ ہو چکے ہیں۔ نائب وزیراعظم اسحق ڈار اور دیگر اعلیٰ حکام نے ان وفود کو باقاعدہ پروٹوکول کے ساتھ رخصت کیا، جس سے ان کے پاکستان میں خفیہ قیام کی تمام قیاس آرائیاں ختم ہو گئی ہیں۔
عالمی میڈیا نے اسلام آباد کنونشن سینٹر میں وزارتِ اطلاعات کے انتظامات کو بے حد سراہا ہے، جہاں صحافیوں کے لیے عالمی معیار کی سہولیات فراہم کی گئیں۔ تاہم، سوشل میڈیا پر کچھ حلقوں کی جانب سے اس بڑی سفارتی کامیابی کو سراہنے کے بجائے غیر ضروری امور، جیسے کہ میڈیا سینٹر کی کافی اور خاتون صحافی غریدہ فاروقی کے پہناوے پر تنقید کی جا رہی ہے۔ تجزیہ کاروں کے مطابق یہ مہم جوئی پاکستان کی عالمی ساکھ کو نقصان پہنچانے کی ایک ناکام کوشش ہے، کیونکہ یہ ایونٹ 1974 کے بعد پاکستان کی سب سے بڑی سفارتی جیت قرار دیا جا رہا ہے۔
مذاکرات کے نتیجے میں اگرچہ کچھ اسٹریٹجک نکات پر ڈیڈ لاک موجود ہے، لیکن جنگ بندی (Ceasefire) کا برقرار رہنا ایک بڑی کامیابی ہے۔ جے ڈی وینس نے اعتراف کیا کہ پاکستان نے دو جانی دشمنوں کو ایک میز پر بٹھا کر خطے کو بڑی تباہی سے بچا لیا ہے۔جیرڈ کشنر کی واپسی اور سوشل میڈیا مہم کے پسِ پردہ حقائق پر گوہر بٹ کا تفصیلی تجزیہ اس لنک پر ملاحظہ کریں۔
