وزیرآباد:تیز رفتار ٹرک نے سڑک کراس کرتے 3 دوست کچل ڈالے، 2 جاں بحق، ایک شدید زخمی

وزیرآباد(جانوڈاٹ پی کے) وزیرآباد میں سڑک کراس کرتے تین کمسن دوستوں کو ٹرک نے کچل ڈالا حادثہ میں دو نوجوان جاں بحق ایک زخمی ہسپتال منتقل ٹرک ڈرائیور فرار ہوگیا حادثہ جی ٹی روڈ کوٹ حضری کے قریب پیش آیا پولیس تحقیقات میں مصروف۔کوٹ حضری جی ٹی روڈ کے تین نوجوان 13 سالہ عمران فیصل،12سالہ سعد اپنے کمسن دوست شرجیل کے ہمراہ سڑک کراس کر کے کھیلنے کے لیے جا رہے تھے کہ تیز رفتار ٹرک کی زد میں آگئے ننھا عمران فیصل اور سعد حادثہ میں جاں بحق ہوگئے جبکہ 12 سالہ نوجوان شرجیل شدید زخمی ہو گیا  جسے ابتدائی طبی امداد کے بعد ڈسٹرکٹ ہیڈ کوارٹرہسپتال گوجرانوالہ منتقل کر دیا گیا ٹرک ڈرائیور موقع سے فرار ہو گیا پولیس تھانہ صدر تحقیقات میں مصروف ہے۔ حادثہ میں جاں بحق ہونے والا ننھا نوجوان سعد کوٹ حضری میں اپنے ننھیال کے ہاں موسم سرما کی چھٹیاں گزارنے آیا ہوا تھا دو نوجوانوں کی اچانک حادثہ میں ہلاکت سے علاقہ کی فضا سوگوار ہو گئی۔