توشہ خانہ ٹو کیس: عمران خان اور بشریٰ بی بی کو 10دس سال قید کی سزا

بانی پی ٹی آئی عمران خان اور بشریٰ بی بی کے وکلا عدالت نہ پہنچے۔

عمران خان اور بشریٰ بی بی کو پی پی سی دفعہ 409 کے تحت 7، 7 سال قید کی بھی سزا سنائی گئی اور دونوں کو مجموعی طور پر 17 سال سزا سنائی گئی۔  عدالت نے عمران خان اور بشریٰ بی بی کو ایک کروڑ روپے جرمانے کی بھی سزا۔

بانی پی ٹی آئی عمران خان اور بشریٰ بی بی پر12 دسمبر 2024 کو توشہ خانہ ٹو کیس میں فرد جرم عائد کی گئی، نیب میں 6 سماعتیں ہوئیں، سپریم کورٹ کے فیصلے کے بعد کیس ایف آئی اے کو ٹرانسفر ہوگیا۔

9 ستمبر کو سپریم کورٹ کے فیصلے کے بعد کیس ایف آئی اے کو منتقل ہوا،10 ستمبر 2024 کو کیس ڈیوٹی جج کے پاس سماعت ہوا، نیب ترامیم بحالی کے بعد توشہ خانہ ٹو کیس میں سے ایف اے کو منتقل ہوا،11 ستمبر 2024 کو ریکارڈ پیش کیا گیا،16 ستمبر کو سپیشل جج سنٹرل کی عدالت میں پہلی پیشی ہوئی۔

18 ستمبر 2024 کو پہلے گواہ پیش ہوئے، اسلام آباد ہائیکورٹ نے 23 اکتوبر 2024 کو ملزمان بانی پی ٹی آئی عمران خان اور بشریٰ بی بی کی سیکشن 4 اے کے تحت ضمانت منظور کر لی۔

عمران خان اور بشریٰ بی بی نے تحفہ میں ملنے والی بالیاں، نیکلیس، 2 انگوٹھیاں گھڑیاں کم قیمت کا تعین کروا کر اپنے پاس رکھ لیں، نیب نے دستیاب معلومات پر 4 تحفوں کان کی بالیوں، نیکلس، انگوٹھی اور بریسلٹ کی انکوائری کی، دو تحائف کا تخمینہ 3 لاکھ 80 ہزار یورو لگایا گیا جو کہ پاکستانی رقم 71 ملین روپے سے کچھ زیادہ تھی۔

مالیت 2021 کے ریٹ کے مطابق لگائی گئی، یہ زیورات بلغاری کمپنی نے سبحان کمپنی کو فروخت کئے، ملزمان نے دو آئیٹم کی ویلیو 58 لاکھ لگوائی اور 29 لاکھ روپے جمع کرا کر چیزیں حاصل کیں، دو اشیاء میں بریسلٹ اور انگوٹھی شامل ہیں، ریفرنس 7 جنوری 2024 کو فائل ہوا تھا۔