سی این این کا بڑا دھماکہ: جنگ میں امریکہ نہیں، ایران فاتح!
لاہور(جانوڈاٹ پی کے)مشرقِ وسطیٰ میں جاری جنگ کا ساتواں دن انتہائی تباہ کن ثابت ہوا ، جہاں اسرائیلی طیاروں نے تہران اور شیراز کے شہری علاقوں کو نشانہ بنایا ہے، جس کے نتیجے میں درجنوں شہریوں کی شہادت کا خدشہ ہے۔ تفصیلات کے مطابق، اسرائیل کا دعویٰ ہے کہ یہ حملے ایرانی قیادت کے زیرِ زمین بنکرز کو تباہ کرنے کے لیے کیے گئے، تاہم اس کے جواب میں ایران نے بھی جارحانہ جوابی کارروائی کا آغاز کر دیا ہے۔ ایران کی جانب سے جدید ‘آرش’ ڈرونز، خیبر شکن اور فتح-2 ہائپر سونک میزائلوں سے ہیفا سمیت اسرائیل کے اہم شہروں کو نشانہ بنایا گیا ہے، جس سے ایک بڑا علاقہ مکمل طور پر تباہ ہو چکا ہے۔ تجزیے میں انکشاف کیا گیا ہے کہ ایران کی جانب سے جدید ترین میزائل ٹیکنالوجی کا استعمال امریکہ اور اسرائیل کے لیے ایک "خوابِ بد” (Nightmare) بن چکا ہے، جس کے باعث امریکہ کا طیارہ بردار بحری جہاز ‘ابراہام لنکن’ میدانِ جنگ سے پیچھے ہٹنے پر مجبور ہو گیا ہے۔ یہاں تک کہ امریکی میڈیا ‘سی این این’ نے بھی اپنی رپورٹ میں ایران کی عسکری برتری اور امریکہ کے ‘تھیڈ’ (THAAD) دفاعی نظام کی ناکامی کا اعتراف کیا ہے۔ ایران نے واضح کیا ہے کہ وہ طویل جنگ کے لیے تیار ہے اور اگر اسے مزید مجبور کیا گیا تو وہ امریکی مفادات کو بھاری نقصان پہنچانے کی مکمل صلاحیت رکھتا ہے۔
مزید تفصیلات کے لیے سینیئر تجزیہ کار معظم فخر کا یہ وی لاگ دیکھئے:
