لکی مروت: سی ٹی ڈی اور پولیس کا مشترکہ آپریشن، انتہائی مطلوب دہشتگرد نصرت اللہ سمیت 6 فتنہ الخوارج ہلاک

لکی مروت(جانوڈاٹ پی کے)لکی مروت تختی خیل سی ٹی ڈی اور پولیس نے مشترکہ آپریشن کے دوران  انتہائی مطلوب دہشت گرد سمیت چھ فتنہ الخوارج ہلاک ہو گئے۔

پولیس کے مطابق یہ آپریشن براہ راست آر پی او بنوں سجاد خان اور ڈی پی او نذیر خان کی نگرانی میں کیا گیا۔  ہلاک دہشتگردوں میں کمانڈرنصرت اللہ بھی شامل ہے ۔  نصرت اللہ کے سر کی قیمت 25 لاکھ مقرر تھی ، پولیس کو 28 سے زائد مقدمات میں مطلوب تھا۔

دہشت گرد جدید اور بھاری ہتھیاروں سے مسلح تھے۔ تاہم، پولیس کی بھرپور کارروائی میں چھ دہشت گرد مارے گئے اور متعدد زخمی ہیں۔ پولیس نے پورے علاقے کو گھیرا ہوا ہے اور سرچ آپریشن جاری ہے۔