بانی پی ٹی آئی نے بشریٰ بی بی کی سفارش پرسہیل آفریدی کانام وزیر اعلیٰ کیلئے دیا،طارق فضل

اسلام آباد(jano.pk)وفاقی وزیر پارلیمانی امور طارق فضل چوہدری نے کہاہے کہ سہیل آفریدی کو وزیراعلیٰ خیبر پختونخوا بنانے کا فیصلہ بانی پی ٹی آئی نہیں بلکہ بشریٰ بی بی کا ہے، اس فیصلے کا صوبے میں بہتری سے کوئی تعلق نہیں۔

خیبر پختونخوا میں حالات بہت خراب ہیں مگر گورنر راج کی باتیں ابھی قبل از وقت ہیں

نجی ٹی وی سے خصوصی گفتگو کرتے ہوئے طارق فضل چوہدری کا کہناتھا کہ  تحریک انصاف کے ایم پی ایز ناخوش ہیں،بانی پی ٹی آئی تشدد ، ٹکراؤ اور انتشار کی سیاست کو فروغ دینا چاہتے ہیں،اِن کا ذہن ہے کہ پھر وفاق پر چڑھائی کریں گے  لیکن آئندہ اسلام آباد پر کسی بھی یلغار کی کوشش ہوئی تو اسے سختی سے روکا جائےگا۔خیبر پختونخوا میں حالات بہت خراب ہیں مگر گورنر راج کی باتیں ابھی قبل از وقت ہیں۔