تنزانیہ میں خونی صدارتی انتخابات،ہلاکتوں کی تعداد700سے متجاوز

دارالسلام(انٹر نیشنل ڈیسک)تنزانیہ میں متنازع صدارتی انتخابات کیخلاف مظاہروں میں ہلاکتوں کی تعداد700سے تجاوز کر گئیدارالسلام میں350اور موانزا میں 200 سے زائد افراد مارے گئے۔یہ اعداد و شمار پارٹی کارکنان نے ہسپتالوں اور طبی مراکز سے لاشوں کی گنتی کے بعد جمع کیے جبکہ ایمنسٹی انٹرنیشنل کے مطابق مصدقہ اطلاعات سے معلوم ہوا ہے کہ کم از کم 100 افراد ہلاک ہوئے ہیں۔مظاہروں سے نمٹنے کے لیے ملک بھر میں فوج تعینات کردی گئی ہے جبکہ  انٹرنیٹ بند اور کرفیو نافذ کر دیا گیا ہے۔مشتعل مظاہرین نے دارالسلام ائیرپورٹ پر بھی دھاوا بول دیا جبکہ بسوں، پیٹرول پمپس اور پولیس اسٹیشنز کو آگ لگادی اور  کئی پولنگ مراکز تباہ کر دیے۔حالیہ انتخابات میں صدر سامیہ سُلوحو حسن نے 96.99 فیصد ووٹ حاصل کیے جبکہ دو بڑی اپوزیشن جماعتوں کے امیدواروں کو انتخابی دوڑ سے باہر کر دیا گیا تھا۔