سہیل آفریدی نے فیض حمید کی سزا کو فوج کا اندرونی معاملہ قراردیدیا

راولپنڈی(جانو ڈاٹ پی کے)وزیر اعلیٰ خیبرپختونخوا سہیل آفریدی نے فیض حمید کی سزا کو فوج کا اندرونی معاملہ قراردے دیا۔وزیر اعلیٰ خیبرپختونخوا سہیل آفریدی بانی پی ٹی آئی سے اڈیالہ جیل میں ملاقات نہ ہونے کے بعد کہا کہ بانی پی ٹی آئی پاکستان اور اداروں کی مضبوطی کی بات کرتے ہیں،صاحب اختیار لوگ اگر سمجھتے ہیں تو ہمارے ساتھ مذاکرات کریں، مذاکرات کا اختیار بانی نے محمود اچکزئی اور راجہ ناصر عباس کو دیا ہے، محمود خان اچکزئی کے ہر فیصلے کے ساتھ کھڑے ہوں گے۔سہیل آفریدی کا کہنا تھا کہ ایک وزیر اعلیٰ کو عدالتی احکامات کے باوجود ملنے نہیں دیا جارہا، پرسوں بانی پی ٹی آئی کی بہنوں کے ساتھ جو ہوا وہ وزیراعلیٰ پنجاب کے احکامات پر کیا گیا، بانی پی ٹی آئی اور ان کی اہلیہ کو ناحق قید رکھا گیا ہے، یہ لوگ تصدیق شدہ چور ہیں، جب ہماری حکومت آئےگی تو اس کا حساب کتاب کیا جائےگا۔