استنبول میں اسرائیلی قونصل خانے کے قریب فائرنگ، ایک حملہ آور ہلاک،2 زخمی حالت میں گرفتار

استنبول(جانوڈاٹ پی کے)ترکیے کے شہر استنبول میں اسرائیلی قونصل خانے کے قریب فائرنگ کے تبادلے میں ایک مسلح حملہ آور کو ہلاک کر دیا گیا جبکہ 2 کو زخمی حالت میں گرفتار کرلیا گیام واقعے میں 2 پولیس اہلکار بھی زخمی ہوئے۔

ترک وزیر داخلہ مصطفیٰ چفتچی کے مطابق حملہ آوروں نے یاپی کردی پلازہ کمپلیکس کے باہر پولیس پر فائرنگ کی جس کے بعد فائرنگ کا تبادلہ ہوا اور تینوں حملہ آور بے اثر کر دیے گئے۔

ترکیے کے وزیر انصاف آکِن گورلیک نے بتایا کہ واقعے کی اطلاع ملتے ہی پراسیکیوٹرز نے تحقیقات شروع کر دیں اور ایک ڈپٹی چیف پراسیکیوٹر سمیت دو پراسیکیوٹرز کو موقع پر بھیج دیا گیا ہے۔

استنبول کے گورنر داؤد گل کے مطابق پلازہ میں واقع اسرائیلی قونصل خانہ گزشتہ ڈھائی سال سے بند ہے۔

وزارت داخلہ کے مطابق ہلاک ہونے والے ایک حملہ آور کے روابط ایک ایسی تنظیم سے تھے جو مذہب کو استعمال کرتی ہے۔