چیئرمین این آئی آر سی جسٹس(ر)شوکت عزیز صدیقی عہدے سے مستعفی

اسلام آباد(جانو ڈاٹ پی کے)چیئرمین این آئی آر سی جسٹس ریٹائرڈ شوکت عزیز صدیقی اپنے عہدے سے مستعفی ہوگئے۔چیئرمین این آئی آر سی جسٹس ریٹائرڈ شوکت عزیز صدیقی اپنے عہدے سے مستعفی ہو گئے ہیں، عہدے پر کام کرنے کا معاہدہ ختم کرنے کا نوٹس سیکرٹری وزارت اوورسیز پاکستانیز کے ذریعے صدر مملکت کو بھجوا دیا ۔چیئرمین جسٹس ریٹائرڈ شوکت عزیز صدیقی نے نوٹس میں لکھا کہ دستخط کنندہ کو چیئرمین نیشنل انڈسٹریل ریلیشنز کمیشن تعینات کرنے کا نوٹیفکیشن دو دسمبر2024کو جاری ہوا اور عہدے کا چارج 4دسمبر 2024کوسنبھالا، دستخط کنندہ کیلئے ذاتی وجوہات کی بنا پر اب اپنی ذمہ داریاں ادا کرنا اور فرائض انجام دینا ممکن نہیں رہا،معاہدہ ختم کرنے کیلئے معاہدے کی شق 12کے تحت ایک ماہ کا پیشگی نوٹس دیا جا رہا ہے۔