لیاری کا مثبت چہرہ دکھانے والی فلم ’میرا لیاری‘ اگلے ماہ ریلیز ہوگی،شرجیل میمن

کراچی(جانوڈاٹ پی کے)سندھ کے سینیئر وزیر شرجیل میمن نے کہا ہے کہ بھارتی فلم دھرندھر پاکستان اور خاص طور پر لیاری کے خلاف منفی پروپیگنڈے کی ایک اور مثال ہے۔

شرجیل میمن نے سوشل میڈیا پر پیغام میں کہا ہے کہ بھارتی فلم دھرندھر پاکستان، خاص طور پر لیاری کے خلاف منفی پروپیگنڈا ہے، لیاری تشدد نہیں بلکہ ثقافت، امن، صلاحیت اور حوصلے کی علامت ہے۔

انہوں نے کہا کہ اگلے مہینے ریلیز ہونے والی فلم ’میرا لیاری‘ لیاری کا حقیقی چہرہ دکھائے گی جس میں امن، خوشحالی اور فخر کی جھلک نظر آئے گی۔

خیال رہے کہ گزشتہ دنوں بھارت میں پروپیگنڈا فلم دھرندھر جاری کی گئی اور اس فلم میں رنویر سنگھ، اکشے کھنہ، آر مدھون، ارجن رام پال، سنجے دت سمیت دیگر نے مرکزی کردار ادا کیے۔