عالمی بینک کا سندھ فلڈ ایمرجنسی ریہیبلیٹیشن منصوبہ کی کارکردگی کو تسلی بخش قرار دینا حکومت کی مؤثر منصوبہ بندی کاثبوت ہے، شرجیل میمن

کراچی(جانوڈاٹ پی کے)سندھ کے سینئر وزیر اور صوبائی وزیر برائے اطلاعات، ٹرانسپورٹ و ماس ٹرانزٹ شرجیل انعام میمن نے کہا ہے کہ عالمی بینک کی جانب سے سندھ فلڈ ایمرجنسی ریہیبلیٹیشن منصوبہ کی کارکردگی کو تسلی بخش قرار دینا سندھ حکومت کی مؤثر منصوبہ بندی ثبوت ہے۔

ایک بیان میں انہوں نے کہا ہے کہ سندھ فلڈ ایمرجنسی ریہیبلیٹیشن منصوبے کے تحت صوبے بھر میں اہم انفراسٹرکچر کی بحالی کے ذریعے 7.2 ملین سے زائد افراد مستفید ہوئے، منصوبے سے مسفید ہونے والے افراد میں 3.4 ملین خواتین شامل ہیں۔

سینئر وزیر شرجیل انعام میمن نے کہا کہ سندھ حکومت نے سیلاب متاثرین کی بحالی کو اولین ترجیح دی، محدود وسائل کے باوجود شفافیت، رفتار اور مؤثر عملدرآمد کو یقینی بنایا، عالمی بینک کی جانب سے پیش رفت کو تسلی بخش قرار دینا تصدیق ہے کہ حکومت سندھ درست سمت میں آگے بڑھ رہی ہے۔

ان کا کہنا تھا کہ حکومت سندھ کا منصوبہ متاثرہ علاقوں میں بنیادی سہولیات کی بحالی کا باعث بنا ہے، فلڈ ایمرجنسی ریہیبلیٹیشن منصوبہ  معاشی اور سماجی استحکام میں بھی اہم کردار ادا کر رہا ہے۔