مکران میں سمندر کا پانی غیر معمولی طور پر سبز ہوگیا، الجی بلوم سے مچھلیاں اور سمندری سانپ ہلاک

مکران(جانوڈاٹ پی کے)مکران کے ساحلی علاقوں میں سمندر کا پانی غیر معمولی طور پر سبز ہوگیا۔

ڈپٹی ڈائریکٹر ماحولیات کے مطابق گوادر، پسنی، جیوانی اور اورماڑہ میں الجی(کائی) جمع ہونے سے آکسیجن کی سطح میں کمی ہوئی۔

انہوں نے بتایاکہ الجی بلوم(کائی) کے باعث سمندری حیات کو شدید نقصان پہنچا اور درجنوں مچھلیاں ہلاک ہوگئیں  جبکہ  ساحل پر گٹار فش سمیت تقریباً 200 سمندری سانپ مردہ پائےگئے۔

ڈپٹی ڈائریکٹر ماحولیات کے مطابق بدبو اور تعفن سے ساحلی آبادی کو مشکلات کا سامنا ہے، الجی بلوم قدرتی عمل ہے مگر فوری اثرات خطرناک ہیں۔

انہوں نے ماہی گیروں سے اپیل کی کہ ماہی گیراحتیاط کریں، چند دونوں میں صورتحال معمول پر آجائےگی۔