چھٹیاں ختم پنجاب بھر میں تعلیمی ادارے کھل گئے

لاہور(جانوڈاٹ پی کے) پنجاب بھر کے تمام سرکاری و نجی تعلیمی ادارے آج سے دوبارہ کھل گئے ہیں، جس کے بعد صوبے بھر میں تعلیمی سرگرمیاں بحال ہو گئی ہیں۔

محکمہ تعلیم کے مطابق پنجاب میں موسمِ سرما کی تعطیلات 20 دسمبر سے شروع ہوئی تھیں، جن کے دوران طلبہ کو مجموعی طور پر 30 دن کی چھٹیاں دی گئیں۔ موسمِ سرما کی تعطیلات کے اختتام کے بعد آج سے باقاعدہ تدریسی عمل دوبارہ شروع کر دیا گیا ہے۔

محکمہ تعلیم پنجاب کی جانب سے سرکاری اسکولوں کے نئے اوقاتِ کار کا باقاعدہ نوٹیفکیشن بھی جاری کر دیا گیا ہے، جس کے مطابق نئے تعلیمی اوقات 19 جنوری سے 15 اپریل 2026 تک نافذ العمل رہیں گے۔

نوٹیفکیشن میں مزید بتایا گیا ہے کہ اساتذہ کے لیے پیر سے جمعرات تک CPD (کنٹینیوئس پروفیشنل ڈویلپمنٹ) اور نصابی تیاری کے پروگرامز میں شرکت لازمی ہو گی، تاکہ تعلیمی معیار کو مزید بہتر بنایا جا سکے۔