رونالڈو کا ایک دو سال کے دوران ریٹائرمنٹ لینے کا اعلان

لسبن(جانوڈاٹ پی کے)پرتگال سے تعلق رکھنے والے دنیاکے مقبول ترین فٹبالر کرسٹیانو رونالڈو نے تصدیق کی کہ  اگلے سال امریکا، کینیڈا اور میکسیکو میں ہونے والاورلڈکپ ان کے انٹرنیشنل کیریئر کا آخری ورلڈ کپ ہوگا

غیر ملکی میڈیا کے مطابق کرسٹیانو رونالڈو نے منگل کو ایک انٹرویو میں کہا کہ وہ جلد ریٹائر ہو کر اپنی فیملی کے ساتھ وقت گزارنا چاہتے ہیں۔

رونالڈو نے ہنستے ہوئے کہا کہ میرے لیے ‘جلد’ کا مطلب 10 سال ہے، مذاق کر رہا ہوں۔ میں ابھی بہت لطف اندوز ہو رہا ہوں۔ فٹبال میں جب آپ ایک خاص عمر تک پہنچ جاتے ہیں تو مہینے تیزی سے گزرتے ہیں۔

رونالڈو نے  ریٹائرمنٹ کا عندیہ دیتے ہوئے بتایا کہ وہ ایک یا دو سال میں فٹبال سے ریٹائرمنٹ لے لیں گے۔

انہوں نے کہا کہ میں اس وقت بہت اچھا محسوس کر رہا ہوں، گول کر رہا ہوں، رفتار اور تیزی برقرار ہے۔ لیکن حقیقت یہ ہے کہ جب میں کہتا ہوں جلد تو اس کا مطلب شاید ایک یا دو سال ہے۔

رونالڈو نے تصدیق کی کہ  اگلے سال امریکا، کینیڈا اور میکسیکو میں ہونے والاورلڈکپ ان کے انٹرنیشنل کیریئر کا آخری ورلڈ کپ ہوگا۔

انہوں نے آخری ورلڈکپ کے حوالے سے بات کرتے ہوئے کہا کہ ‘یقینی طور پر ہاں، کیونکہ اس وقت میری عمر 41 سال ہوگی،میں گزشتہ 25 سالوں سے اس کھیل کا حصہ ہوں۔ میں نے سب کچھ حاصل کیاکئی ریکارڈز بنائے۔واضح رہے کہ رونالڈو نے جون میں سعودی کلب النصر کے ساتھ اپنا معاہدہ 2027 تک بڑھایا ہے۔