روہت سیٹھی کے گھر پر حملہ،لارنس بشنوئی گینگ نے ذمے داری قبول کرلی

ممبئی(شوبز ڈیسک)بالی ووڈ کے معروف فلم ساز روہت سیٹھی کی رہائشگاہ کے باہر فائرنگ کی ذمہ داری لارنس بشنوئی گینگ نے قبول کر لی۔

ممبئی کے علاقے جوہو میں واقع روہت شیٹی کے گھر کے باہر نامعلوم حملہ آوروں نے فائرنگ کی، جس کے بعد پولیس نے مقدمہ درج کرتے ہوئے چار افراد کو گرفتار کر لیا۔ایک مسلح شخص نےفلم سازکی رہائش گاہ کی عمارت کو نشانہ بناتے ہوئے متعدد فائرکیے،واقعے کے دوران 7.62 ملی میٹرکی کم ازکم پانچ گولیاں چلائی گئیں،بتایاجارہا ہےکہ فائرنگ کے لیے ایک جدید اور دیسی ساختہ اسلحہ استعمال کیا گیا تھا۔تحقیقاتی حکام کےمطابق ممبئی کرائم برانچ کے اینٹی ایکسٹورشن سیل نے پونے سے4افراد کو گرفتار کیا ہے،جن پر مبینہ طورپرشوٹر کی مددکرنے اور واردات میں استعمال ہونے والی موٹر سائیکل فراہم کرنے کا الزام ہے۔