16سال کی عمر بھی لائسنس بنے گا،پنجاب اسمبلی میں قراردادجمع

لاہور(جانو ڈاٹ پی کے)ڈرائیونگ لائسنس کیلیے عمر کی حد18 کے بجائے16سال کرنے کی قرارداد پنجاب اسمبلی میں  جمع کرادی گئی۔پنجاب اسمبلی میں اپوزیشن رکن شیخ امتیاز محمود نے قرارداد جمع کرائی، جس میں کہا گیا ہے کہ پاکستان میں اور خصوصا پنجاب میں نوجوانوں کی شرح میں تیزی سے اضافہ ہورہا ہے، انہیں معیشت میں شامل کرنے کیلئے ڈرائیونگ کی عمر اٹھارہ سے کم کر کے سولہ سال کی جائے۔قرارداد کے متن میں لکھا گیا ہے کہ کینیڈا میں بیشتر صوبوں میں سولہ سال کی عمر میں ڈرائیونگ کی اجازت مل جاتی ہے،جرمنی میں 17سال کی عمر میں ڈرائیونگ لائسنسں مل جاتا ہے۔قرارداد میں مطالبہ کیا گیا ہے کہ پاکستان میں بھی نوجوانوں کو ملکی ترقی کے دھارے میں لانے کیلئےڈرائیونگ کی عمر 18سال سے کم کر کے 16 کی جائے۔