ریحما زمان کی ہلدی اور ڈھولکی،تصاویر نے سب کو دنگ کردیا

کراچی(جانو ڈاٹ پی کے)اداکارہ ریحما زمان کی ہلدی اور ڈھولکی کی تقریبات کی تصاویراور ویڈیوز وائرل ہوگئیں۔ریحما زمان کئی ڈراموں میں اداکاری کے جوہر دکھا چی ہیں،اس وقت ناظرین ڈرامہ ’میں زمین تو آسمان‘ میں ان کی پرفارمنس کو بے حد سراہ رہے ہیں۔گزشتہ سال دسمبر میں اداکارہ ریحما زمان کا نکاح برطانیہ میں مقیم ایک نیورو سرجن سے ہوا تھا۔اس سال اداکارہ کی شادی کی تقریب منعقد ہوئی جس میں قریبی دوستوں اور اہلِخانہ نے شرکت کی۔ریحما نے اب اپنی شادی کی مختلف تقریبات کی جھلکیاں سوشل میڈیا پر شیئر کرنا شروع کر دی ہیں۔ انہوں نے اپنی ہلدی کی تقریب کی شاندار ایچ ڈی تصاویر شیئر کیں،جس میں صرف قریبی اہلِ خانہ موجود تھے۔ہلدی کی تقریب میں ریحما نے گلابی اور فیروزی رنگ کا خوبصورت کڑھائی دار لانگ شرٹ زیب تن کیا، جس کے ساتھ سادہ فلیپر پہنا جب کہ سادہ پونی ٹیل ہیئر اسٹائل اپنایا اور خوبصورت زیورات سے اپنے انداز کو مکمل کیا۔ریحما اپنے چھوٹے بھائی اور والدین کے ساتھ تصاویر بنواتے ہوئے خوش اور پُرمسرت نظر آئیں۔