ربیکا خان کی شادی کی تقریبات کا آغاز ’دعائے خیر‘ سے، خوبصورت لمحات وائرل

کراچی(جانوڈاٹ پی کے)سوشل میڈیا انفلوئنسر ربیکا خان کی شادی کی تقریبات کا ’دعائے خیر‘ سے آغاز ہوگیا جس کی تصاویر سوشل میڈیا پر وائرل ہوگئیں۔

ربیکا خان پاکستان کی مشہور سوشل میڈیا انفلوئنسر میں سے ایک ہیں، وہ معروف کامیڈین اداکار کاشف خان کی صاحبزادی ہیں اور انہوں نے بطور کانٹینٹ کری ایئٹر اپنا کیریئر بنایا ہے۔

ان کا نکاح متاثر حسین ترین کے ساتھ ہوا اور اب ان کی رخصتی کی تقریبات کا آغاز دعائے خیر سے ہوا ہے۔

ربیکا چاندی کے زیورات کے ساتھ سلور لباس میں خوبصورت لگ رہی تھیں اور انہوں نے لباس کی میچنگ کی جیولری کا انتخاب کیا، اس موقع پر ان کے ساتھ قریبی عزیز و اقارب بھی موجود ہیں۔

ٹک ٹاکر و اداکارہ ربیکا خان اور حسین ترین کا نکاح رواں سال جون میں ہوا  جس کی ویڈیوز اور تصاویر سوشل میڈیا پر وائرل ہوگئی تھیں۔

نکاح کی تقریب میں قریبی عزیز اور ٹک ٹاکر اور یوٹیوبر نے شرکت کی۔

تقریب کے موقع پر ربیکا نے سرخ رنگ کا عروسی لباس زیب تن کیا اور حسین ترین نے کریم کلر کی شیروانی کا انتخاب کیا۔

تاہم اس نکاح کی خاص توجہ کا مرکز “حق مہر” بن گیا، جسے بعض افراد 2 کروڑ تو کچھ 20 لاکھ سمجھ بیٹھے۔

اصل صورتحال یہ ہے کہ نکاح میں حق مہر 20 لاکھ روپے مقرر کیا گیا جبکہ نکاح خواں نے مذاقاً یا مبالغہ آمیز انداز میں کہا کہ “دو کروڑ گواہان” اس نکاح کے شاہد ہیں۔