پنجاب کے ترقیاتی منصوبوں کیلئے 14ارب روپے کی منظوری، سیالکوٹ میں ٹیچنگ ہسپتال اور کوٹلی ستیاں میں چیئر لفٹ سسٹم منظور

لاہور(جانوڈاٹ پی کے)صوبائی ترقیاتی ورکنگ پارٹی کے اجلاس میں پنجاب کے مختلف اضلاع میں ترقیاتی منصوبوں کیلئے 14 ارب کے فنڈز کی منظوری دیدی گئی ۔

صوبائی ترقیاتی ورکنگ پارٹی کے اجلاس میں 14 ارب روپے کے فنڈز مختلف ترقیاتی منصوبوں کیلئے منظور کیے گئے ، سیالکوٹ میں ٹیچنگ اسپتال کے قیام کیلئے 10 ارب 70 کروڑ روپے ، کوٹلی ستیاں میں چیئر لفٹ سسٹم اور متعلقہ انفراسٹرکچر کے قیام کیلئے 3 ارب 15 کروڑ روپے کی منظوری دی گئی ہے ۔ بتیس ارب مالیت کا لاہور واٹر اینڈ ویسٹ واٹر مینجمنٹ پراجیکٹ حتمی منظوری کیلئے ایکنک کو بھیجنے کی بھی منظوری دی گئی ۔

سیکرٹری پلاننگ اینڈڈویلپمنٹ بورڈ رفاقت علی ، چیف اکانومسٹ مسعودانور،ممبران پی اینڈ ڈی بورڈ اور متعلقہ محکموں کے افسران بھی اجلاس میں شریک ہوئے ۔