چھٹیاں ہی چھٹیاں: حکومت نے اعلان کردیا

اسلام آباد(جانوڈاٹ پی کے) وفاقی حکومت نے سال 2026 کے لیے سرکاری اور اختیاری تعطیلات کا باضابطہ اعلان کر دیا ہے۔

کابینہ سیکریٹریٹ کے مطابق کابینہ ڈویژن نے قومی، اسلامی اور اقلیتی تہواروں کے موقع پر عام تعطیلات کا شیڈول جاری کر دیا ہے۔

اعلامیے کے مطابق سال کی پہلی عام تعطیل یومِ کشمیر کے موقع پر 5 فروری بروز جمعرات ہوگی، جبکہ یومِ پاکستان پر 23 مارچ بروز پیر چھٹی دی جائے گی۔

عیدالفطر کے موقع پر 21، 22 اور 23 مارچ کو عام تعطیلات ہوں گی، جب کہ یکم مئی کو مزدوروں کے عالمی دن اور 28 مئی کو یومِ تکبیر کے موقع پر بھی چھٹی ہوگی۔

عیدالاضحیٰ کے لیے 27، 28 اور 29 مئی کو عام تعطیلات ہوں گی، جبکہ 9 اور 10 محرم الحرام یعنی 24 اور 25 جون کو بھی چھٹی دی جائے گی۔

یومِ آزادی پر 14 اگست بروز جمعہ اور عید میلاد النبی ﷺ کے موقع پر 25 اگست بروز منگل عام تعطیل ہوگی۔

اسی طرح علامہ اقبال کے یومِ پیدائش پر 9 نومبر بروز پیر اور قائداعظم محمد علی جناح کی سالگرہ و کرسمس کے موقع پر 25 دسمبر کو عام تعطیل ہوگی، جبکہ 26 دسمبر کو صرف مسیحی برادری کے لیے چھٹی دی جائے گی۔

اس کے علاوہ یکم جنوری، 18 فروری اور یکم جولائی کو بینک تعطیلات ہوں گی۔