اسلام کوٹ: ملہو بھیل کے رہائشیوں کا جبری تجاوزات اور بلاک شدہ راستوں کے خلاف احتجاجی دھرنا

مٹھی (رپورٹ: میندھرو کاجھروی/ جانو ڈاٹ پی کے) اسلام کوٹ کے نواحی گاؤں ملہو بھیل میں دیگر دیہات کے لوگوں کی جانب سے جبری تجاوزات اور سڑکیں بلاک کرنے کے خلاف سینکڑوں دیہاتی خواتین اور بچوں سمیت سڑکوں پر آکر دھرنا دے کر بیٹھ گئے۔

اس موقع پر دیہاتیوں کا کہنا تھا کہ ہمارا گاؤں صدیوں پرانا ہے، ہم یہاں صدیوں سے رہ رہے ہیں، ہر گاؤں کے اپنے کھیت، چبوترے، چراگاہیں ہیں اور ہر گاؤں کا رہنے کا اپنا انداز ہے۔ کچھ نامعلوم لوگ ہمارے گاؤں میں زبردستی بیٹھنا چاہتے ہیں۔ کسی کے گاؤں میں کسی کو اس طرح بیٹھنے پر مجبور کرنا سیاسی نقطہ نظر سے غیر قانونی اور انتہائی غیر اخلاقی ہے۔

ہم ڈپٹی کمشنر تھرپارکر، ایس ایس پی تھرپارکر، مختیارکار، ای سی  منتخب نمائندوں اور حکام سے درخواست کرتے ہیں کہ ہمارے ساتھ ناانصافی ہو رہی ہے، اسے بند کیا جائے اور ہمیں تحفظ دیا جانا چاہئے.