جنگ بندی ایک بروقت قدم،مذاکرات اور استحکام کی راہ ہموار ہوگی،صدرمملکت

لاہور(جانوڈاٹ پی کے)صدر مملکت آصف علی زرداری اور چیئرمین پاکستان پیپلز پارٹی بلاول بھٹوزرداری نے نے امریکا اور ایران کے درمیان جنگ بندی کا خیرمقدم کرتے ہوئے کہا کہ جنگ بندی ایک بروقت قدم ہے، اس سے مذاکرات اور استحکام کی راہ ہموار ہوگی۔ایک بیان میں صدرمملکت نے کہا کہ دنیا تباہی کے دہانے پر تھی،پاکستان نے انسانیت کی خاطر خلوص نیت سے کام کیا، صدر نے وزیراعظم شہبازشریف اور فیلڈمارشل عاصم منیر کی انتھک کوششوں کی تعریف کیں۔آصف علی زرداری نے کہا کہ نائب وزیراعظم اسحاق ڈار کی سفارتی بصیرت اور قیادت نے امن کی راہ ہموار کی، واشنگٹن، تہران اور اسلام آباد کی قیادت نے تباہی کے بجائے مذاکرات کا انتخاب کیا۔انہوں نے کہا کہ امن کوششوں میں تعاون پر سعودی عرب، چین، ترکیہ، روس، مصر شکرگزار ہیں، امن معاشی استحکام اور عوام کی فلاح وبہبود کیلئے ناگزیر ہے۔