’’اصلی‘‘پولیس مقابلے میں سی سی ڈی انسپکٹر سمیت4اہلکارزخمی،اشتہاری فرار،پولیس والوں کو خون دینے شہریوں کی بڑی تعدادہسپتال پہنچ گئی

لیہ/مظفرگڑھ(جانو ڈاٹ پی کے)لیہ میں پولیس مقابلے کے دوران سی سی ڈی انسپکٹر سمیت4اہلکارشدید زخمی ہوگئے۔ڈاکو فرار ہوگئے۔انتہائی مطلوب اشتہاریوں کی گرفتاری کیلئے سی سی ڈی ٹیم کا ضلع لیہ کے علاقے احسان پورہ میں آپریشن ہوا جس میں سی سی ڈی مظفرگڑھ نے انتہائی مطلوب اشتہاری اقرار حسین عرف اقراری بھلہ اور اسکے ساتھیوں کی گرفتاری کیلئے چھاپہ مارا۔اقرار حسین عرف اقراری ضلع مظفرگڑھ کا ٹاپ ون انتہائی مطلوب اشتہاری ہے۔انتہائی مطلوب اشتہاریوں سے سی سی ڈی ٹیم کا مقابلہ کئی گھنٹے جاری رہا۔اشتہاریوں سے مقابلے میں سی سی ڈی کا انسپکٹر محمد نواز اور3کانسٹیبل شدید زخمی ہو گئے۔اشتہاری اقرار حسین اور اسکے ساتھی شدید فائرنگ کرتے ہوئے موقع سے فرار ہو گئے.سی سی ڈی کے زخمی اہلکاروں کو کوٹ ادو ہسپتال اور بعد ازاں نشتر ہسپتال ملتان ریفر کر دیا گیا.خون کا عطیہ دینے کے لیے شہری بڑی تعداد میں ہسپتال پہنچ گئی۔ترجمان سی سی ڈی کے مطابق سی سی ڈی کا پنجاب بھر میں جرائم پیشہ افراد کے خلاف کریک ڈاؤن جاری رہیگا۔