لاہور میں نیو ایئر نائٹ پر بڑا کریک ڈاؤن، ون ویلنگ، ہوائی فائرنگ اور منشیات پر 300 سے زائد گرفتار

لاہور(جانوڈاٹ پی کے)لاہور میں نیوائیرنائیٹ پر ون ویلنگ، ہوائی فائرنگ اور منشیات کی سپلائی کیخلاف کریک ڈاؤن کرتے ہوئے  تین سو سے زائد افراد کو گرفتار کرلیا گیا ، کارروائیوں کے دوران جدید اسلحہ بھی قبضہ میں لیا گیا ۔

پولیس کے مطابق گزشتہ رات ناکہ بندی کرکے شہر بھر میں پانچ ہزار وہیکلز کو چیک کیا گیا ،  ون ویلنگ پر 23 جبکہ اسلحہ کی نمائش پر 65 افراد کو گرفتار کرکے مقدمات درج کیے گئے  جبکہ  ملزمان سے جدید اسلحہ برآمد کرلیا گیا ۔

سال نو پر منشیات کی سپلائی میں ملوث 236 ملزمان کو گرفتار کیا گیا ، ملزمان سے بھاری مقدار میں منشیات بھی برآمد کی گئیں ، غیر قانونی آتش بازی کرنے والے تین افراد کو بھی گرفتار کرلیا گیا ، خواتین کو ہراساں کرنے پر بھی کارروائیاں کرتے ہوئے تین افراد کو گرفتار کرکے مقدمات درج کرلیے گئے ۔