پی آئی اے کی نجکاری آخری مراحل میں، کنسورشیم کی بولی 23 دسمبر کو پیش ہوگی

کراچی(جانوڈاٹ پی کے) قومی ائیرلائن پی آئی اے کی نجکاری کا معاملہ آخری مراحل میں داخل ہوگیا۔

ذرائع کے مطابق چاروں کنسورشیم کے آفیشلز کا سی ای او قومی ائیرلائن و افسران کے ساتھ ہفتے کے روز اجلاس ہوا۔

ذرائع کا کہنا ہے کہ کنسورشیم نے قومی ائیرلائن اور نجکاری کمیشن سے یومیہ بنیادوں پر ریکارڈ مانگ لیا، تمام کنسورشیم اپنی پیش کش 23 دسمبر کو ہونے والی بولی میں دیں گے۔

ذرائع کے مطابق کنسورشیم کو موجودہ و ریٹائرڈ ملازمین، ڈومیسٹک ، انٹرنیشنل روٹس کی تفصیلات فراہم کردی گئیں۔

ذرائع کا کہنا ہے کہ ریٹائرڈ ملازمین کی پنشن قومی ائیرلائن خریدنے والے کنسورشیم کے ذمہ داری نہیں ہوگی۔

ذرائع کے مطابق وزیراعظم سیکرٹریٹ سے قومی ائیرلائن کو چاروں کنسورشیم کو تفصیلات فراہمی و تعاون کی ہدایت کی گئی ہے۔