آکسفورڈ یونین کے مباحثے سے بھارت کا راہ فرار، پاکستان بلامقابلہ جیت گیا

لندن(جانو ڈاٹ پی کے)بھارتی وفد آکسفورڈ یونین کے مباحثے میں پاکستان کا سامنا نہ کرسکا اوربھارتی ٹی وی چینلز پر شور مچانے والے بھارتی رہنما عین موقع پر مباحثے سے دستبردار ہو گیا،پاکستان کو بلامقابلہ کامیابی مل گئی۔

جنرل(ر)زبیر محمود حیات،حناربانی کھر اور ڈاکٹر محمد فیصل پر مشتمل وفد لندن میں موجود ہے  جبکہ بھارتی وفد مباحثہ میں شرکت کی ہمت نہ کرسکا، بھارت کی پاکستان پالیسی محض عوامی جذبات بھڑکانے کی حکمت عملی”پرمباحثہ ہونا تھا، بھارتی کی دستبرداری سے آکسفورڈ کے غیر جانبدار فورم پر بھارتی بیانیہ بے نقاب ہو گیا ۔

بھارتی رہنما ٹی وی چینلز پر شور مچاتے ہیں،مگر علمی مباحثے میں دلیل اور جواب دینے سے گھبراتے ہیں،آکسفورڈ میں طلبہ کی اکثریت بھارتی ہونے کے باوجود بھارتی وفد نے ووٹ کا سامنا کرنے سے انکار کیا,بھارت کی نام نہاد ’’سکیورٹی پالیسی‘‘ آکسفورڈ یونین میں ممکنہ منطقی سوالات کا وزن نہ اٹھا سکی۔بھارتی مقررین نے ممکنہ شرمندگی سے بچنے کیلئے پہلے سے طے شدہ مباحثہ خود ہی سبوتاژ کر دیا۔

پاکستان ہائی کمیشن لندن کا کہناتھا کہ میڈیا پر پاکستان مخالف پراپیگنڈا کرنے والے بھارتی تجزیہ کار جب کھلی بحث کا موقع ملا تو غائب ہو گئے۔آکسفورڈ یونین میں بھارتی وفد کی غیرحاضری مئی2025کے بعد سے جاری سفارتی و بیانیاتی ناکامیوں کی تازہ کڑی ہے۔چرچل نے کہا تھا ’’گفتگو جنگ سے بہتر ہے‘‘، بھارت آج ثابت کر رہا ہے کہ وہ نہ گفتگو کے لیے تیار ہے نہ جواب دہی کے لیے۔