پاکستان جاپان اور امریکا سمیت 20ممالک کو گاڑیاں برآمد کرنے والا ملک بن گیا

لاہور(جانو ڈاٹ پی کے)پاکستان جاپان اور امریکا سمیت بیس ممالک کو گاڑیاں برآمد کرنے والا ملک بن گیا۔جی ہاں یہ حیران رکن  رپورٹ آپ کو بھی چونکا دے گی،ویسے تو پاکستانی باہر سے گاڑیاں منگواتے ہیں لیکن اب گنگا اُلٹی بہنا شروع ہوگئی ہے۔ وزیر خزانہ محمد اورنگزیب کی سینٹ میں پیش کردہ رپورٹ کے مطابق پاکستان نے 2022 سے اب تک 434 گاڑیاں برآمد کیں، 2022 سے 23 میں 100 ، 23 سے 24 میں 107 ، اور 24 سے 25 میں 227 گاڑیاں برآمد کی گئیں۔رپورٹ کے مطابق پاکستان میں تیار گاڑیوں کی برآمد سے ایک ارب 41 کروڑ روپے حاصل ہوئے۔پاکستانی گاڑیاں جاپان، امریکا، چین، قطر، افغانستان، متحدہ عرب امارات، تھائی لینڈ، لبنان، لائبیریا اور کینیا سمیت بیس ممالک کو برآمد کی گئیں۔رپورٹ میں بتایا گیا کہ گاڑیاں 108 برآمد کنندہ کمپنیوں کے ذریعے بیرون ملک بھجوائی گئیں۔