جنوبی افریقہ کے خلاف ہائی سکورنگ میچ، پاکستان ویمن ٹیم نے تاریخ رقم کردی

سنچورین (مانیٹرنگ ڈیسک) پاکستانی خواتین کی قومی کرکٹ ٹیم نے جنوبی افریقہ کے خلاف کھیلے گئے دوسرے ون ڈے ہائی اسکورنگ میچ میں تاریخ رقم کردی ہے۔ پاکستان نے اپنی تاریخ کی سب سے بڑی اننگز کھیل کر جنوبی افریقہ کی برتری کو چیلنج کیا تاہم مخالف ٹیم نے 16رنز کی برتری سے میچ اپنے نام کرلیا ہے۔

قومی ٹیم کی عائشہ ظفر نے سب سے زیادہ 75 رنز بنائے، صدف شمس نے 61 رنز، کپتان فاطمہ ثنا نے 52 رنز بنا کر نصف سنچری اسکور کی جبکہ سیؔدہ عروب شاہ اور ڈائنا بیگ سمیت دیگر کھلاڑیوں نے بھی قیمتی رنز جوڑ کر پاکستان کو ریکارڈ توڑنے کے قریب پہنچا دیا۔

تاہم کپتان فاطمہ ثنا نے عروب شاہ کے ہمراہ ساتویں وکٹ کی شراکت داری میں 81رنز بنائے۔ تاہم قومی ٹیم 49.5اوورز میں 345رنز بنا کر آؤٹ ہوئی جو پاکستان کی ون ڈے کی تاریخ کی سب سے بڑی اننگز ہے۔ اس سے قبل جنوبی افریقہ نے 362رنز بنائے تھے جو ساؤتھ افریقن ٹیم کی تاریخ کا دوسرا سب سے بڑا مجموعہ رہا۔