اے سی سی ایشیا کپ میں شرکت کیلئے پاکستان انڈر 19 ٹیم دبئی پہنچ گئی

دبئی (مانیٹرنگ ڈیسک) پاکستان انڈر 19 کرکٹ ٹیم اے سی سی ایشیا کپ میں حصہ لینے کیلئے دبئی پہنچ گئی ہے۔

12 سے 21 دسمبر تک شیڈول ون ڈے ٹورنامنٹ میں پاکستان گروپ اے میں بھارت، ملائیشیا اور یو اے ای کے ساتھ شامل ہے، پاکستان اپنا پہلا میچ ملائیشیا کے خلاف کھیلے گا۔

کراچی سے دبئی روانگی سے قبل ٹیم مینیجر اور مینٹور کی ذمہ داری ادا کرنے والے سابق ٹیسٹ کپتان سرفراز احمد نے کہا کہ ہم نے کھلاڑیوں کو مکمل اعتماد اور بھرپور سپورٹ فراہم کی ہے، نیشنل سٹیڈیم کی حنیف محمد ریجنل کرکٹ اکیڈمی میں منعقدہ 7 روزہ کیمپ میں کھلاڑیوں نے سخت محنت کی۔

انہوں نے کہا کہ خامیوں کو دور کر کے صلاحیتوں کو سامنے لانے کی کوشش کی، ٹیم کے کھلاڑی بہترین نتائج دینے کیلئے پرعزم ہیں، ایونٹ سے قبل دبئی میں پریکٹس سیشن سے فائدہ ہوگا، امید ہے کہ کھلاڑی جلد حالات سے ہم آہنگ ہو جائیں گے۔