جنگ بندی کے بعد پاکستان اسٹاک ایکسچینج میں زبردست تیزی، ہنڈریڈ انڈیکس 164,594 پوائنٹس تک پہنچ گیا

کراچی (جانوڈاٹ پی کے) امریکا اور ایران کے درمیان جنگ بندی کے اعلان کے بعد پاکستان اسٹاک ایکسچینج (PSX) میں سرمایہ کاروں میں جوش و خروش بڑھ گیا ہے۔

آج کاروبار کے آغاز پر مارکیٹ میں زبردست تیزی دیکھی گئی، اور ہنڈریڈ انڈیکس میں 12,920 پوائنٹس کا اضافہ ریکارڈ کیا گیا۔ اس کے بعد ہنڈریڈ انڈیکس 164,594 پوائنٹس کی سطح پر پہنچ گیا، جو گزشتہ روز کے 151,673 پوائنٹس کے مقابلے میں نمایاں اضافہ ہے۔

ماہرین کے مطابق ایران اور امریکا کے درمیان جنگ بندی کی خبر نے سرمایہ کاروں کے اعتماد کو بحال کیا ہے، جس سے مارکیٹ میں خریداری کا رجحان بڑھا اور اسٹاک کی قیمتوں میں نمایاں بہتری دیکھی گئی۔

یہ پیش رفت پاکستان کی اسٹاک مارکیٹ کے لیے ایک مثبت اشارہ ہے اور سرمایہ کاری کے ماحول کو مستحکم بنانے میں مددگار ثابت ہو سکتی ہے۔