پاکستان اسٹاک مارکیٹ: ہنڈرڈ انڈیکس 1,89,427 پوائنٹس کی تاریخی بلند سطح پر پہنچ گیا

کراچی(جانوڈاٹ پی کے)پاکستان سٹاک مارکیٹ میں ہنڈرڈ انڈیکس نے کاروباری ہفتے کے تیسرے روز بھی تیزی کا رجحان برقرار رکھتے ہوئے ایک نئی تاریخی بلند سطح عبور کر لی ہے۔

تفصیلات کے مطابق کاروبار کے آغاز پر ہی مارکیٹ میں 700 سے زائد پوائنٹس کا اضافہ دیکھنے میں آیا، جس کے بعد ہنڈرڈ انڈیکس 1,89,427 پوائنٹس کی سطح پر پہنچ گیا۔

واضح رہے کہ گزشتہ کاروباری دن کے اختتام پر ہنڈرڈ انڈیکس 1,88,621 پوائنٹس پر بند ہوا تھا، جس کے بعد مسلسل مثبت رجحان نے مارکیٹ میں سرمایہ کاروں کا اعتماد مزید بڑھایا ہے۔