پاکستان سٹاک ایکسچینج: ہنڈرڈ انڈیکس ایک لاکھ 87 ہزار پوائنٹس کی سطح عبور کر گیا

کراچی(جانوڈاٹ پی کے) پاکستان سٹاک ایکسچینج میں کاروباری ہفتے کے پہلے روز زبردست تیزی دیکھنے میں آئی اور ہنڈرڈ انڈیکس ایک لاکھ 87 ہزار 491 پوائنٹس کی سطح پر پہنچ گیا، جو گزشتہ کاروبار ہفتے کے آخری روز کے ایک لاکھ 85 ہزار 98 پوائنٹس کے مقابلے میں نمایاں اضافہ ہے۔

آٹو موبائل اسمبلرز، سیمنٹ، کمرشل بینکس، فرٹیلائزر، آئل اینڈ گیس ایکسپلوریشن، آئل مارکیٹنگ کمپنیاں (او ایم سیز)، پاور جنریشن اور ریفائنری سیکٹرز میں شدید خریداری دیکھی گئی۔

اہم کمپنیوں میں اے آر ایل، حبکو، ماری، او جی ڈی سی، پول، پی پی ایل، پی ایس او، ایس این جی پی ایل، ایس ایس جی سی، ایم سی بی، میزان بینک اور نیشنل بینک بھی مثبت زون میں دکھائی دیے۔

ماہرین کا کہنا ہے کہ مارکیٹ میں یہ اضافہ سرمایہ کاروں کے اعتماد اور مختلف سیکٹرز میں مضبوط کارکردگی کی عکاسی کرتا ہے۔