پاکستان کی بنگلادیش کو 2-8 کے بڑے مارجن سے شکست

ڈھاکہ(مانیٹرنگ ڈیسک)پاکستان ہاکی ٹیم نے بڑی کامیایی حاصل کرتے ہوئے تین میچز کی سیریز کے پہلے میچ میں بنگلادیش کو 2-8 کے بڑے مارجن سے شکست دے دی۔

ڈھاکا میں جاری ورلڈ کپ کوالیفائنگ راؤنڈ میں رسائی کے لیے پاکستان اور بنگلادیش کے مابین کھیلی جانے والی سیریز کا پہلا میچ پاکستان نے جیت لیا۔

پاکستان کی جانب سے احمد ندیم اور افراز نے دو دو جبکہ کپتان عماد بٹ، غضنفر علی، رانا وحید اشرف اور حنان شاہد نے ایک ایک گول اسکور کیا۔

بنگلادیش کی جانب سے حذیفہ اور امیر السلام نے ایک ایک گول اسکور کیا۔

پاک بنگلا سیریز کا دوسرا میچ 14 نومبر کو جبکہ آخری میچ 16 نومبر کو کھیلا جائے گا۔

سیریز کی فاتح ٹیم ہاکی ورلڈکپ کوالیفائر میں رسائی حاصل کرلی ہے۔