واپڈا کے سمیع اللہ خان اور فائقہ ریاض پاکستان کے تیز ترین مرد اور خاتون ایتھلیٹ بن گئے

کراچی(جانو ڈاٹ پی کے)واپڈا کے سمیع اللہ خان اور فائقہ ریاض پاکستان کے تیز ترین مرد اور خاتون ایتھلیٹ بن گئے۔

پیر کو نیشنل گیمز کا سب سے اہم ایونٹ ایتھلیٹکس اور اس کا سب سے اہم مقابلہ 100 میٹر دوڑ ہوا۔

مردوں کی 100 میٹر دوڑ میں رنرز کے درمیان سخت معرکہ آرائی ہوئی۔ واپڈا کے سمیع اللہ خان نے 10 عشاریہ 30 سیکنڈز میں فاصلہ طے کرکے پاکستان کے تیز ترین مرد ایتھلیٹ ہونے کا اعزاز حاصل کرلیا۔

آرمی کے عثمان اور راشد ریاض نے سلور اور برانز میڈل جیتا۔

خواتین کی 100 میٹر میں واپڈا کی اولمپیئن فائقہ ریاض کامیاب رہیں اور فاصلہ 11 عشاریہ 7 سیکنڈز میں طے کرکے پاکستان کی تیز ترین خاتون ایتھلیٹ ہونے کا اعزاز حاصل کیا۔ ایچ ای سی کی خاولہ عمر نے سلور، آرمی کی تامین خان نے برانز میڈل جیتا۔پاکستان نیوی اسپورٹس کمپلیکس میں پیر کو ہونے والے ایتھلیٹکس ایونٹ میں جیولین تھرو کا ایونٹ بھی سب کی توجہ کا مرکز بنا رہا جس میں پاکستان کے اولمپک چیمپئن ارشد ندیم ایکشن میں تھے۔