چیئرمین پیپلز پارٹی بلاول بھٹو زرداری نے کراچی میں نیشنل گیمز کا افتتاح کردیا،10ہزارایتھلیٹس شریک

کراچی(جانو ڈاٹ پی کے)چیئرمین پیپلز پارٹی بلاول بھٹو زرداری نے کراچی میں نیشنل گیمز کا افتتاح کردیا۔

چیئرمین پیپلز پارٹی بلاول بھٹو زرداری نے نیشنل اسٹیڈیم کراچی میں افتتاحی تقریب سے خطاب میں کہا کہ 18سال بعد نیشنل گیمز کا انعقاد ہورہا ہے، سندھ کیلئے میزبانی باعث فخر ہے۔انہوں نے کہا کہ ملک خصوصاً سندھ کے نوجوانوں کو مثبت ماحول مل رہا ہے، نوجوان ہمارا مستقبل ہیں،امید کے یہی نوجوان کل عالمی سطح پر تمغے جیت کر لائیں گے۔یہاں بیٹھےتمام ایتھلیٹس35ویں قومی گیمزکوانجوائے کریں،پورےملک سےآئےمہمانوں کوکراچی میں خوش آمدیدکہتےہیں۔

وزیراعلیٰ مرادعلی شاہ نے نیشنل گیمزکی افتتاح تقریب سے خطاب کرتے ہوئے کہا کہ35ویں نیشنل گیمز کا کراچی میں شاندار آغاز خوش آئندہے، ملک بھر سے آئے کھلاڑیوں اور مہمانوں کو خوش آمدید کہتا ہوں،10ہزار سے زائد ایتھلیٹس قومی گیمز میں شریک ہیں، کراچی کے 24 مقامات پر  31 اسپورٹس ایونٹس ہوں گے، 18سال بعد کراچی میں قومی کھیلوں کا میلہ سجا ہے، 1948ءمیں قائداعظم نے کراچی میں پہلے نیشنل گیمز کا افتتاح کیا تھا۔ 2025ءمیں 35 ویں نیشنل گیمز کی میزبانی فخر کا موقع ہے۔