فاسٹ بولر نسیم شاہ کے حجرے پر فائرنگ

پشاور(مانیٹرنگ ڈیسک)قومی کرکٹ ٹیم کے فاسٹ بولر نسیم شاہ کے حجرے پر فائرنگ کےبعد مقدمہ درج کرلیا گیا ہے۔لوئردیر میں قومی کرکٹ ٹیم کے فاسٹ بولر نسیم شاہ کے حجرے پر فائرنگ کا واقعہ پیش آیا ہےپولیس کے مطابق فائرنگ سے حجرے کا مین گیٹ،کھڑکیاں اور گاڑی کو جزوی طور پر نقصان پہنچا۔پولیس  نے بتایا کہ  فائرنگ واقعے کا مقدمہ درج کرلیاگیا ہے۔پولیس کے مطابق فائرنگ واقعے  کے بعد 5 مشتبہ افراد کو حراست میں لے  لیا  گیا ہے اور مزید تحقیقات جاری ہیں۔