ماڈلز لنڈا بازار سے بہترین چیزیں ڈھونڈنے کے ماہر ہوتے ہیں، نادیہ حسین

کراچی(جانوڈاٹ پی کے)سپر ماڈل نادیہ حسین نے انکشاف کیا ہے کہ ماڈلز لنڈا بازار سے بہترین چیزیں ڈھونڈنے کے ماہر ہوتے ہیں۔

اداکارہ و ماڈل نادیہ حسین نے حال ہی میں نجی ٹی وی کے پروگرام میں شرکت کی جہاں ان سے سوال پوچھا گیا کہ کیا ماڈلز اور سیلیبرٹیز لنڈا بازار سے بہترین چیزیں تلاش کرکے خریداری میں ماہر ہوتے ہیں؟

جواب نے انہوں  نے کہا کہ میں بھی لنڈا بازار سے سامان خریدتی ہوں۔

ماڈل نے کہا کہ میں خود دونوں طرح کے بازار جاتی ہوں، لنڈا بازار سے بھی اور عام اسٹورز سے بھی خریداری کرلیتی ہوں۔

اداکارہ نے کہا کہ میں لنڈا بازار میں ماسک نہیں پہنتی اور ماڈلز کے بارے میں یہ بات درست ہے کہ وہ لنڈا بازار سے بہترین چیزیں ڈھونڈنے میں ماہر ہوتی ہیں اور اکثر بہترین ڈیزائنر کپڑے مل جاتے ہیں۔

انہوں نے یہ بھی کہا کہ تھرفٹ مارکیٹ میں کئی پرستار میرے ساتھ سیلفیاں بھی لیتے ہیں۔