میئر کراچی مرتضیٰ وہاب نے واٹر ٹینکرز اور ہائیڈرنٹس بند کرنے کا بیان واپس لے لیا

کراچی(جانوڈاٹ پی کے)میئر کراچی مرتضیٰ وہاب نے واٹرٹینکر اور ہائیڈرنٹس بند کرنے کے حوالے سے اپنا بیان چند گھنٹوں میں ہی واپس لے لیا۔

میڈیا نیوز کے مطابق شہر قائد کے ضلع وسطی کی اہم شاہراہ جہانگیر روڈ کی از سر نو تعمیر کا سنگ بنیاد رکھنے کے بعد میئر کراچی نے کہا کچھ علاقوں میں لوگ 90 سے 10 دن تک پانی نہ ملنے کی شکایت کرتے ہیں جبکہ بعض علاقوں میں پانی روز آتا اور ایسا آتا ہے کہ گاڑیاں تک دھوئی جاتی ہیں۔

انہوں نے کہا کہ پانی کی تقسیم کی یہ صورتحال ناانصافی کی عکاس ہے۔ مرتضیٰ وہاب نے کہا کہ ٹینکر سروس کوئی نئی چیز نہیں بلکہ یہ برسوں سے چل رہی ہے اور جہاں پانی نہیں پہنچتا وہاں ٹینکرز کے ذریعے فراہمی کیا جاتا ہے۔

انہوں نے کہا کہ شہر میں واٹر بورڈ کے 7 ہائیڈرنٹس کی مدت ختم ہو چکی ہے اور ہائیڈرنٹس کا ٹھیکہ دو سال کے لیے ہوتا ہے، ان کے مطابق فیصلہ یہ کرنا تھا کہ نیا ٹھیکہ دیا جائے، توسیع کی جائے یا انہیں بند کر دیا جائے۔