متحدہ عرب امارات میں تمام مساجد میں جمعہ کی نماز اور خطبہ کایکساں وقت مقرر

دبئی(جانوڈاٹ پی کے)متحدہ عرب  امارات (یو اے ای) کی تمام  مساجد  میں  جمعہ کی  نماز اور خطبےکا  وقت  یکساں کردیا  گیا۔

اماراتی جنرل اتھارٹی آف اسلامی امور کے مطابق  نیا نظام 2 جنوری 2026 سے نافذ ہوگا، تمام مساجد میں جمعہ کا خطبہ  اور نماز 12 بج کر 45 منٹ پر  ادا کی جائےگی۔

اس سے پہلے دبئی اور  ابوظبی میں جمعہ کی نماز عام طور پر 1:30 بجے جب کہ شارجہ اور شمالی امارات میں 12:30 بجے کے قریب ہوتی تھی لیکن اب پورے ملک میں ایک ہی وقت مقرر کیا گیا ہے۔

اماراتی جنرل اتھارٹی آف اسلامی امور نے نمازیوں سے درخواست کی ہےکہ وہ  مقررہ وقت کی پابندی کریں اور نماز کو  اس کے متعین وقت پر ادا کرنے کا اہتمام کریں۔