قانون نافذ کرنا ہمارا کام ہے، نوبت آئی تو عمل کرائیں گے: محسن نقوی

لاہور(جانوڈاٹ پی کے)وزیر داخلہ محسن نقوی کا کہنا ہے قانون نافذ کرنا ہمارا کام ہے نوبت آئی تو قانون پر عمل کرائیں گے، مذاکرات جن کا کام ہے وہ کریں گے ۔

 جامعہ اشرفیہ میں میڈیا سے گفتگو کرتے ہوئے محسن نقوی نے کہا کہ  احتجاج کرنے والوں سے نمٹنے کی کافی پریکٹس ہے، اس طرح کی کوئی صورتحال ہوئی تودیکھیں گے، ہمارے علما کرام محفوظ ہیں، ریاست کیخلاف ہتھیار اٹھانے والوں کیخلاف قرآن پاک میں واضح پیغام موجود ہے، ریاست کیخلاف کوئی ہتھیار اٹھائے تو واضح ہے اسے کس طرح ہینڈل کرناہے۔

وزیر داخلہ کا کہناتھا کہ وزیراعلیٰ کےپی سے پوچھا جائے انہوں نے اپنے افسران کی حفاظت کیلئے کیا کیا؟ وزیراعلیٰ کے پی سے ان کی کارکردگی پوچھی جائے، پی ٹی آئی احتجاج،امن وامان کے حوالے سے اسی طرح نمٹا جائے گا، ہم ان سے پہلے بھی کافی بار نمٹ چکےہیں۔