بھاگچند میگھواڑ کیس: مٹھی عدالت نے پیپلز پارٹی کی خاتون رہنما سمترا منجیانی سمیت 6 ملزمان کو بری کر دیا

مٹھی (رپورٹ: میندھرو کاجھروی/جانو ڈاٹ پی کے)مٹھی کی عدالت نے بھاگ چند میگھواڑ کیس میں 6 ملزمان کو عدم ثبوت کی بنا پر بری کر دیا۔

ضلع تھرپارکر کا ہائی پروفائل کیس بھاگچند میگھواڑ جس کی لاش مٹھی تھانے کے لاک اپ سے برآمد ہوئی، بھاگچند جو پولیس حراست میں جاں بحق ہوئے، اس وقت کے مٹھی تھانے کے ایس ایچ او سومار مگریو، پی پی پی لیڈیز ونگ تھرپارکر کی صدر اور میونسپل کمیٹی مٹھی کی وائس چیئرپرسن سمترا منجياني، اس کے دو رشتہ داروں موهن لال اور آچار میگھواڑ سمیت 6 ملزمان کے خلاف مقدمہ درج کیا گیا تھا.

مٹھی کی عدالت نے عدم ثبوت کی بنا پر تمام ملزمان کو بری کر دیا۔

نومبر 2022 میں، بھاگچند کی لاش لاک اپ میں ملی، اور متوفی کے رشتہ داروں نے تھانے کے باہر مسلسل دو دن تک احتجاج کیا اور متوفی کے چچا جیرام داس کی شکایت پر مقدمہ درج کیا گیا۔

اس حوالے سے رابطہ کرنے پر پی پی پی لیڈیز ونگ کی رہنما سمترا منجیانی نے کہا کہ بھاگچند میگھواڑ کی موت لاک اپ میں ہوئی تاہم سیاسی فریقوں نے مجھے سکرین سے ہٹانے کے لیے جھوٹے مقدمے میں پھنسایا۔ انہوں نے کہا کہ میں رب کی شکر گزار ہوں کہ عدالت نے میرے ساتھ انصاف کیا اور آج مجھے باعزت بری کر دیا گیا ہے۔