بنگلادیش میں پاکستانی طلبہ کیلئے ایم بی بی ایس اور بی ڈی ایس کی 23 نشستیں مختص

ڈھاکہ(جانوڈاٹ پی کے)پاکستانی طلبہ کے لیے بنگلادیش میں طبی تعلیم کے مواقع بڑھا دیے گئے ہیں۔ بنگلادیش نے پاکستانی طلبہ کے لیے 21 ایم بی بی ایس اور 2 بی ڈی ایس نشستیں مختص کر دی ہیں۔

داخلوں کے لیے امیدواروں کو ہائر ایجوکیشن کمیشن (HEC) کے ذریعے درخواستیں جمع کرانے کی ہدایت کی گئی ہے۔ درخواستیں آن لائن یا بذریعہ ڈاک جمع کرائی جا سکتی ہیں۔ داخلوں کے لیے درخواستیں جمع کرانے کی آخری تاریخ 21 دسمبر 2025 مقرر کی گئی ہے۔

اہل طلبہ سے کہا گیا ہے کہ وہ مقررہ تاریخ تک درخواستیں جمع کرائیں تاکہ داخلے کے عمل میں کسی قسم کی تاخیر نہ ہو۔