حکومت اور پی ٹی آئی کے درمیان مذاکرات پر آمادگی مثبت قدم ہے، فضل الرحمان

رحیم یارخان(جانوڈاٹ پی کے)جمعیت علمائے اسلام (جے یو آئی) کے سربراہ مولانا فضل الرحمان نے حکومت  اور  اپوزیشن کے درمیان  مذاکرات  پر  آمادگی کو  مثبت قدم  قرار دے دیا۔

رحیم یارخان میں پریس کانفرنس کرتے ہوئے مولانا فضل الرحمان نے کہا کہ حکومت اور پی ٹی آئی کے درمیان مذاکرات پر آمادگی مثبت قدم ہے۔

مولانا فضل الرحمان نےکہاکہ الیکشن میرٹ پر ہوتے تو مہنگائی اور استحصالی نظام نہ ہوتا ، پاکستان میں صدارتی نظام ناکام ہو چکا ہے، آزادی اظہار اور حق کے لیے احتجاج ہر شہری کا حق ہے ۔

جے یو آئی کے سربراہ مولانا فضل الرحمان کا کہنا تھا کہ انتظامی بنیاد پر زمین ہموار کیے بغیر صوبے بنانے کی سوچ غلط ہے ، اگر صوبے بنانے ہیں تو زمینی حقائق کو مدِنظر رکھ کر بنائے جائیں ۔

مولانا فضل الرحمان نے کہا کہ ادارے آئینی حدود میں کام کریں تو اسے خوش آئند کہیں گے۔