تھرپارکر سے پیپلز پارٹی کے ہزاروں کارکن مہیش ملانی کی قیادت میں گڑھی خدا بخش روانہ

مٹھی (رپورٹ : میندھرو کاجھروی / جانو ڈاٹ پی کے) میرپورخاص ڈویژن کے مختلف شہروں مٹھی، اسلام کوٹ، چھاچھرو، ننگرپارکر، چیلہار، ڈیپلو اور کلوئی سے ہزاروں افراد کا قافلہ پارٹی نمائندوں کے ہمراہ ایم این اے ڈاکٹر مہیش کمار ملانی کی قیادت میں گڑھی خدا بخش روانہ ہوگیا۔

اس موقع پر پارٹی عہدیداروں کے ساتھ ساتھ پارٹی کارکنوں میں بھی زبردست جوش و خروش تھا۔

ڈویژنل صدر و ایم این اے ڈاکٹر مہیش ملانی نے کہا کہ کارکنوں اور پارٹی عہدیداروں نے بھرپور کوشش کی ہے کہ میرپورخاص ڈویژن سے زیادہ سے زیادہ لوگ گڑھی خدا بخش جا کر شہید قائد محترمہ بے نظیر بھٹو کو خراج عقیدت پیش کریں۔

انہوں نے کہا کہ میرپورخاص ڈویژن کے اضلاع کے کارکنوں نے اچھی رائے دی ہے۔

ایک سوال کے جواب میں ملانی نے کہا کہ اگر پارٹی کا کوئی عہدیدار یا منتخب نمائندہ پارٹی کی کال پر نہیں آتا ہے تو وہ اس کے ذمہ دار ہیں۔ دوسروں کی ذاتی مصروفیات ہو سکتی ہیں