لندن میں گودام میں آگ بھڑک اٹھی، زوردار دھماکوں کی آوازیں،پورے علاقے میں دھویں کے بادل

لندن(مانیٹرنگ ڈیسک)لندن کے مغربی علاقے میں گودام میں  آگ بھڑک اُٹھی۔ 25 فائرانجن اور 150 فائر فائٹرز  نے آگ پر قابو پایا۔

برطانوی میڈیا کے مطابق گوادم میں آگ  آتش بازی کے سامان کی وجہ سے لگی۔ مقامی رہائشیوں نے کئی زوردار دھماکوں کی آوازیں سنی۔ آتشزدگی کے بعد دھواں پورے علاقے میں پھیل گیا۔ فائر بریگیڈ حکام نے آتشزدگی بڑا واقعہ قراردیا۔

مقامی حکام کے مطابق احتیاط کے طور پر تین اسکولوں اور ایک رہائشی بلاک کو خالی کرا لیا گیا ہے، حکام اس واقعے سے بے گھر ہونے والے رہائشیوں کی مدد کر رہی ہے، جہاں 100 سے زیادہ لوگ ایک مقامی ریسٹ سنٹر میں پناہ لیے ہوئے ہیں۔

قبل ازیں اسسٹنٹ کمشنر پیٹ گال براؤن نے بتایا ہے کہ دھماکوں کی وجہ سے آگ بجھانے والا عملہ زیادہ فاصلے سے آگ بجھانے میں مصروف ہیں جنہیں اس سے قبل حفاظت کی پیش نظر واپس طلب کرلیا گیا تھا۔

 اسسٹنٹ کمشنر نے مزید بتایا ہے کہ 2 منزلہ عمارت کا ایک تہائی حصہ زمیں بوس ہوچکا ہے۔

گودام میں آتشبازی کے سامان کے ساتھ گیس سلینڈرز کی موجودگی کا امکان ظاہر کیا جارہا ہے۔